李日朗2023年和拍拖六年的模特兒女友黃靜藍無預警之下分手，女方分手後火速搭上富貴新男友訂婚兼有喜，有指李日朗是因情傷而出家。而近日他拍片宣布退出娛樂圈，當中更提到他曾有一首歌《榕樹》是和張繼聰作來悼念嫲嫲的，更爆出當時公司同事指浪費資源：「記得當時唱片同事說做這種歌是浪費錢.⋯....連宣傳都浪費時間.....」事件惹起網上關注。

張繼聰今日（10/6）現身尖沙咀出席汽車品牌活動，就事件接受《香港01》訪問時表示：「其實我同佢唔係同一間公司，佢係英皇，而我係一位作曲人，當時我係有幫佢一隻碟作過一首歌曲。係咩佢有咁講咩？不過我諗佢而家佢都看破世塵，我咁講啦，其實每一個作品當時大家都盡力做，但你都好難，首歌擺咗上網就一世，咁你好難去講浪費資源，咁可能隻歌好多年之後，啲人突然翻聽覺得好正。有陣時我聽返啲歌都會覺得好正。我記得當時佢寫俾嫲嫲係一首好有價值嘅歌嚟。」