《女神配對計劃》播出後令《愛回家》小花葉蒨文人氣急升，不少人都一邊睇節目，一邊「肉緊」葉蒨文與求愛勇者們的後續，似足追睇偶像戀愛劇般令人心跳加速。不過，怎樣都不及鏡頭下，葉蒨文在社交平台上分享的泳衣照令人更加心跳加速。

日前（22/6）葉蒨文孖羅毓儀趁假期齊齊去做spa，更在IG上大派福利騷泳裝。她在帖文中寫道：「放假同yukibb 一齊chill chill，做吓Spa。講吓啲男仔壞話，講吓⋯」網民大讚她們吸引之外，更有人留言讚節目好睇：「真係好耐冇睇過TVB，今次令我真係勁中意睇你同GM，so sweet」。