劍神張家朗今晚（04/09）與泰星Apo Nattawin、Mile Phakphum現身中環出席時裝品牌活動，張家朗表示曾在活動與對方見面，大讚二人靚仔，惜一直未有機會與時間欣賞二人作品。

提到蔡俊彥（Ryan）早前在呂爵安演唱會上開金口唱歌，張家朗表示：「我有聽過佢唱歌，我知佢都好鍾意唱歌，都唱得好好，自己應該唔係唱歌好聽嘅人。覺得佢犀利，因為喺咁大個舞台唱歌，對我嚟講係幾難嘅事。」張家朗又謂如果有機會，都想發掘唱歌成新興趣，平時亦會聽廣東歌。

張家朗表示平時較少行街置裝，多數穿運動服。「置裝費好少，可能裝備費用仲多。（會唔會用情侶裝？）都少，唔會刻意咁，自己鍾意同舒服為主。」