香港跳唱女子組合B.Gs其中兩位成員唐菲（Toffee)和霍柔心（Riley)今日（29/1）現身北角東渡輪碼頭的年宵市場開檔賣自家製香薰蠟燭，產品賣相非常精緻。Riley表示：「其實我哋一開始聽到市集呢個名，我哋就會忽其然喺到諗會唔會好多人去行㗎？因為而家爆發第五波疫情，點算呀！但好彩都會有生意嘅，但就未至於會係好多人嚟。不過我哋買嘅香薰蠟燭全人手製作，而普通版嘅香薰每做一個，需要時間係要用4個鐘先完成，而另一款再更細緻啲嘅有蛋糕及飲品款，就要做半日時間先得一個。」

而Toffee直言擺市集，純粹為創業試水溫：「其實我哋都仲未有實體店，不過網上都有得預售，因為數量都有限。如果銷情好，我哋都會同其他朋友諗住一齊開間咖啡店，當中都會賣埋精品，預算五個人一齊夾，每人20萬。相信疫市開店，舖租相對會平啲，咁所以對創業都有一定信心。」