《下流上車族》熱播中，劇中演員的演出被網民熱烈討論，其中飾演郭柏妍（Rosita）和羅毓儀也吸引到不少粉絲支持。郭柏妍今日（21/10）出席新劇《妳不是她》拜神儀式時，接受《香港01》訪問。她說自己期待能夠「上車」買樓的那一天。

郭柏妍說：「我自己都幾期待有機會上車，因為而家樓價比較貴，小妹都要努力啲去工作。有計劃上車嘅，希望到時同屋企人一齊住，大啲就好啲，有自己活動空間。媽咪鍾意煮嘢食，所以我希望買到一間有好大個廚房嘅屋畀佢，咁佢就可以煮好多美食畀我食。」

「上車」計劃進行如何？她回答：「我入咗行兩年，完成咗2%左右。而家住緊嘅單位住緊4個人，我又冇特別set要買幾大，不過特別想個有大廚房嘅，同埋想有個大雪櫃。而家嗰個唔係話唔大，但係我想買個大啲，因為我自己會買雪糕、零食，希望可以裝滿個雪櫃。」