由薛家燕（家燕姐）領銜主演的賀歲喜劇《黃金萬両》今天（18/1）在大埔林村許願樹舉行宣傳活動。家燕姐一身古裝出席，與一眾後輩演員有講有笑。以往是賀歲劇台柱的家燕姐，有八年時間無拍劇，相隔多年重回螢幕，對於劇集收視家燕姐好有信心，她說：「我都有把握嘅，個收視應該會好嘅（家燕姐好有信心？）監製同埋宣傳部都睇過套劇，佢哋話呢部劇好精彩啊，好有新年氣氛，睇到好開心，所以希望大家唔好錯過！」

家燕姐透露事隔八年再選擇拍劇的原因：「因為佢係賀歲劇，公司就話，家燕姐見到你就覺得好開心，好喜慶！如果拍賀歲劇就好啱你。」家燕姐復出本是開心事，豈料宣布唔再拍，事關拍《黃金萬両》時正值大熱天，氣溫高達40度，卻要穿古裝拍攝，家燕姐熱到差點中暑，直言真的很辛苦：「可惜舊年個天氣實在太熱啦，熱到周身汗，我最擔心係中暑，上咗年紀中暑好大件事，變咗我感覺就係，暫時都唔拍劇，唔會拍劇住。」