近日內地有消息指《聲夢3》已在籌備當中，不過消息傳出後，網民反應似乎都唔多睇好，大多認為《聲夢2》完全沒有曝光可言，如果有第三季，資源有可能會再被分薄；另外亦有人認為單睇《聲夢2》嘅成績，再做的話只會砸爛招牌；甚至有網民指搞《聲夢3》不如搞《中年好聲音》，負評一面倒。

事實上，《聲夢2》去年10月落幕後，只舉行過一場畢業演唱會，一眾學員之後已沒有太多搞作，反觀姚焯菲、炎明熹、鍾柔美等人，於比賽後不足一個月，已獲品牌邀請出席活動，之後亦工作不斷。所謂沒比較沒傷害，難怪有網民認為無綫錯配資源。