《隱形戰隊》踏入結局周，除劇情緊湊刺激，演員們亦成為話題人物，當中最出位的莫過於是9成畫面以多色小背心出現的劉穎鏇（Tiffany）。今日她出席劇集宣傳活動時接受《香港01》訪問回應說：「多到我都唔記得。」

劉穎鏇說：「我自己未數過，但係啲人喺網上tag我，cap咗好多圖話有幾多件小背心，我諗係超過10套，但係總共有幾多件就要睇埋第30集，我再去數返。」她透露，因為劇組留意到她為角色而操練，所以才度身訂做了這個多色小背心設定。她說：「小背心可以突顯我嘅二頭肌三頭肌，開心嘅。個design係咁，其實冇話特別買細咗。」

她又說，劇集播出時會特別留意肌肉線條。她說：「當你好努力去做呢件事，你都會好希望鏡頭突出到，其實我會評論自己啲肌肉。」小背心內需不需要額外添加去突顯身材效果？她直言：「都冇呀，同T-Shirt一樣正常咁着。」所以是真材實料？她回答：「係呀，係我嚟嘅，哈哈。」集集小背心太性感？她表示不覺得，回答：「如果劇情需要，我又唔會特別諗，都係想帶出健康性感嘅感覺。」

投7項【民選電影大獎】即賺高達 888「01積分」，答簡單問題仲有機會贏走Maxcare心動椅 (價值$32,800；名額1位) 或 $30 網購現金券 (名額50位)！