熊黛林郭可頌孖女5歲開盛大生日會　暴風長高亭亭玉立似足媽媽

2016年10月，熊黛林（Lynn）與郭可盈弟弟郭可頌結婚，18年4月誕下一對可愛的雙胞胎女兒Kaylor與Lyvia，Lynn不時分享一家人合照大曬溫馨。轉眼間孖女已經5歲，舉行大型生日會，兩名小公主長得亭亭玉立暴風式長高，盡得名模媽媽遺傳。

Lynn上載短片，兩名壽星女穿上牛仔衫幻彩紗裙，臉上畫有彩繪，相當高大看似近7歲。潮玩外國派對常見的Piñata，壽星用棍棒打擊跌下大量玩具與糖果，小朋友相當興奮，Kaylor與Lyvia更懂得分享戰利品甚有家教。日前Lynn出席活動談到生日會情況：「上星期開咗，對於我嚟講好大型，全班同學都嚟咗，又有啲朋友仔，大人、細路都好開心。」至於生日禮物阿Lynn表示：「家姐好鍾意公主嘢、扮靚嘢，妹妹鍾意爸爸鍾意嗰啲，車呀、錶呀，兩個鍾意嘅嘢完全唔同。買嘅嘢就算唔同都要一人一份，唔可以偏心。」大合照見到姑媽郭可盈都有出席生日會。