王晶愛女王子涵有意打開內地市場，日前兩父女齊齊現身內地網紅、粉絲過千萬嘅小楊哥嘅直播間，為咗幫王子涵嘅抖音帳號谷人氣，王晶講明：「如果能點到5萬，我結你男二號。十萬，男一號，十萬以上，女主角任你挑。」

聽到王晶呢個如此誘人嘅條件之後，小楊哥十分興奮，仲話決定電影叫「猛男小楊」，仲係咁叫粉絲同兄弟一齊關注王子涵嘅抖音帳號，，見佢咁落力，王晶即時加碼「（電影）明天就可以開拍」，結果短短5分鐘之內，王子涵嘅粉絲人數由0去到10萬。而喺直播結束後，截至目前為止，王子涵已經成功吸粉27萬，不過其影片嘅嘅view數真係尚有大量進步空間，5條影片中，只有同小楊哥一齊合作嘅先有9.6萬like，之其他3條都加埋都冇1萬like。