張致恒（Steven）結婚以來不時傳婚變而且一家經濟陷困境，老婆區燕雯（雯雯）為應付生計開設新IG帳戶實施會員制收費，但她突然再次更新舊IG，令人相當疑惑。

雯雯周期性公開數落Steven「又廢又懶」，但生完一個又一個正陀住第4胎，家中經濟陷困境連兩名兒子書簿費都成問題。早前雯雯為應付生計開設新IG帳戶實施會員制，每人每月$50並清空舊帳戶，截止7月29日已有236位Followers每月有近萬二蚊收入。7月28日雯雯突然更新舊IG，分享身在主題公園內抱住孻仔的照片。

雯雯忽然更新呻慘表示崩潰令人擔心︰「最近個人完全係崩潰狀態.. 好多好多問題都解決唔到，冇晒方向，占卜之後我開始有番方向，同知道自己應該點樣走之後嘅路，冇再咁迷失。」二百多人付費做會員又突然更新舊有IG，令網民相當疑惑，及後雯雯再發IG STORY表示「舊IG只作廣告用途不會更新。」