《全民造星 V Summer Live 2023》今晚（13日）進行錄影，子三甲KC、Lyman、亨仔外，做工佬Ritchie、Kakit、Owen、Jason Loi、Snoopy、Ash 等人亦有參與。

比賽期間因指責好友王鋒擅改舞步嘅阿澤，雖然在出席名單上，但拜神儀式未見人，大會解釋對方因有重要比賽進行中，完成後將會盡量趕到現場。問到阿澤關係如何，王鋒表示：「大家都無話有隔閡，見面都有打招呼，事情已經過去，我都道歉咗好多次，無論IG或約佢見面，但我都會尊重佢點去接納我。」

而曾在IG發文指遭《造星》導演侮辱嘅白水，表示發文至今，都未有收到對方嘅道歉或解釋，但他認為事件已經過去，當下最重要是計劃好自己的發展路向。「已經唔重要啦，（怕唔怕公開講幕後，對自己將來發展有影響？）好多嘢都控制唔好，所以活在當中。」