《千謊百計》係最正倉底貨 男主角陳鍵鋒：估唔到大家仲記得我！
撰文：林通賢
出版：更新：
陳鍵鋒首次，亦係唯一一次演奸角，可惜沒有在黃金時間播放。（網上圖片）
無綫倉底劇《蘭花劫》10年後出土故然係話題，亦令一眾電視友關心無綫一批倉底劇下落。而當中最關心的就是2006年的《千謊百計》。這套劇卡士不俗，有陳鍵鋒、徐子珊、黃宗澤、楊思琦等，網民好想這套劇出土，尤其想看演奸角的陳鍵鋒，陳鍵鋒接受《香港01》訪問亦覺得網民這麼記得自己舊作相當意外，他說：「我好耐冇喺香港喇喎，估唔到大家仲記得我？記得呢套作品，多謝先。其實佢有喺晏晝播過㗎，都唔算倉底嘅....（冇黃金時間播？）呢個年代仲駛咩黃金時間？啲人鍾意幾時睇就幾時睇㗎啦，其實呢個問題國內好多粉絲都有問，我覺得演員好被動，當時啲人腳都好好玩，嗰陣知道唔播係有啲缺失嘅。」
陳鍵鋒在劇中做大奸角，他表示角色相當有挑戰性。（網上圖片）
陳鍵鋒同經理人Ivy合作多年，亦因此不做無綫親生仔，所以他亦明白遊戲規則，雖然網民想《千謊百計》好似《蘭花劫》一樣出土，但陳鍵鋒就不太想，他說：「大家慣咗睇高清、16:9，我夜晚都有追《妙手仁心》㗎，但睇嗰陣都會覺得始終爭少少，所以如果《千謊百計》變到高清、16:9我就想囉，如果唔得，我寧願大家喺平板電腦或者手機睇。(會唔會回巢拍劇？）或者咁講啦，無綫劇係可以賣埠，可以賣到大陸，但唔係全國都賣到，但如果係拍湖南衞視或者其他國內電視台呢，全國都幾乎可以睇到，人口接觸面就大好多，咁預算又多，人工、質素就自然可以有能力去做得更好，（即係TVB請唔起你？）做咩成日講TVB啫，請得起同肯唔肯請你係兩回事。」而陳鍵鋒亦打算做製作人，他說：「我呢幾個月去過內地好多地方，我對電視、電影製作了解咗好多，我可能能一年拍一部，可能會做製作人㗎。」