如果有留意《不懂撒嬌的女人》，都知道目前為止，唐詩詠與王浩信是最Sad的一對，女方覺得男方為自己付出太多，對結婚有恐懼的男方又太遲知道對方原來有個心願，開始一場不斷尋覓的持久戰。那麼，林文龍與宣萱這一對又點搞先？一段感情如果順風順水，其實都幾得人驚，所以他們都不例外，需要面對小小風波。

以下內容為嚴重劇透，唔想睇就按「上一頁」

如果fans們有留意結局篇預告片，都知道林文龍與宣萱之間仲有個高海寧，仲要開到聲同Mall姐講，要同佢開心share林文龍，搞到宣萱勁激氣。眼見女朋友因為一個程咬金搞到咁唔開心，Gordon覺得係時候要結婚。之後一齊影婚妙相，誰不知Mall姐發現劉丹竟然同于淼行埋，呢一段超越咗年代嘅爺孫戀，女方仲要細過自己，Mall又點接受得到？於是嬲得濟講狠話：「如果你同佢做一家人，同我就唔係一家人！由呢一刻開始，你就唔再係我阿爸！」眼見自己個女咁抗拒，但又同于淼真心相愛，丹爺都唔知可以點算。

到咗同Gordon結婚當日，Mall姐依然收到高海寧的短訊，表示一紙婚書算得係乜？個心喺度先得；一直逃避Saving嘅唐詩詠都有到場，賀一賀自己上司新婚快樂，只不過一講完，就拉埋個行李就閃人。Mall眼見唐詩詠咁Sad，就將自己個花球留畀佢，當係一種祝福喇......而Mall姐見過Cherry之後，都成為一個重要嘅線人，去幫Saving搵返唐詩詠。另一邊廂，Mall姐仍然未解決丹爺同爺孫戀嘅問題，因為發現兩人已經珠胎暗結，宣萱當場嬲到核爆，唔知點收科好。