曾志偉今日（27日）出席活動，他表示跟傳媒關係一直良好，他說：「我同阿梅（梅艷芳）係1991年拎過最好與傳媒關係嘅男女演員。」他坦然與傳媒私底下的關係十分好，也會培育下屬緊記建立關係的重要性。

至於有關手術後身體的情況，他說：「覆診都要嘅，但去返18歲嘅狀態就唔得，仲恢復緊嘅，始終都係一個唔大唔細嘅手術。」被問到是否全面復工，他說：「除非唔出糧，如果要睇醫生唔出糧，所以咪要復工囉！」他續指現階段暫時需戒酒。

提到最近肥媽有傳牽涉在JPEX案件，他回應：「我都奇怪點解佢咁有錢，講笑啫！我唔相信肥媽係咁嘅人，因為都牽涉好多人，唔方便猜測，事件不適宜談論。」講到過去有否投資貨幣的經驗，他說：「我個人比較蠢，所以唔識呢啲嘢！」