波波黃婧靈玩你問我答認無男友　被問上圍尺寸竟然大方任度

憑甜美笑容及出眾身材，被封曾志偉愛將的波波黃婧靈，在《後生仔傾吓偈》中彈出，言論出位工作不斷。近日她在IG與網民玩你問我答，大方回應有無男友，更正面回覆上圍呎吋問題。

波波在IG Story大玩「心情靚靚 你問我大機答」，曬出小時候可愛校服照，對網民問點解越嚟越靚笑指：「呢個思考咗好耐都駁唔到，講起都尷尬。」又承認自己現時無男友，對網民公開求婚心情大靚回應：「好呀，你係咪對我不離不棄？」

有網民直問上圍，波波又再語出驚人指：「俾最上個圍你度住先啦。」片後影住額頭頭頂位置相當搞笑。其實她早在《後生仔傾吓偈》中公開度三圍，言行果然KEEP住大膽。