柯煒林、黃溢濠、林愷鈴主演嘅《冰上火花》下星期播出，三位今晚（25日）現身品牌活動時，不停呼籲大家下星期一定要準備收看。劇中阿Will有唔少騷肌畫面，他強調是合理：「只係一個運動員正常都會嘅除衫，大家打完比賽喺更衣室行出嚟買嘢飲。」

身穿西裝嘅黃溢濠，加上側孭袋造型，被笑似要去《樹大招風》，他自認似林家棟：「我每次一着西裝，大家都會話我似家棟哥嘅東莞仔造型，我覺得有啲導演係知道嘅，所以我之前拍另一套劇，為咗致敬導演有叫我跨欄。」

問到有否見到同場嘅新田真劍佑，黃溢濠表示有與對方合照，並謂「我頭先有同佢握手，佢隻手非常溫暖亦都好厚好正！」