《關你家事》被批問題無限放大　麥明詩：放大先搵到有咩問題

麥明詩下午以評判身分，到電視城為節目《Big Big小明星2017》進行錄影。提到近日備受大眾劣評的節目《關你家事》，被投訴渲染負面訊息，曾上節目擔任嘉賓的麥明詩聞言後表示，「可以係負面嘅嘢轉化做正面嘅能量，其實最終都係諗點樣去解決。」至於有觀眾話將家庭問題無限放大，Louisa就霸氣解畫，「有時將問題放大先可以搵到入面究竟有咩問題！」

麥明詩其後透露聽到觀眾分享的故事感到心噏，「可能有部份家庭都會遇到的問題，當然我不方便評論他們，但其實想講俾大家知，每個人都有難處。」講到今次做《Big Big小明星2017》評判，她表示希望小朋友跳出框框，「有些小朋友在教育制度缺乏了創意，希望透過呢個節目鼓勵到他們，其實呢個世界好多出路，唔一定要受制於個制度。」