胡楓（修哥）今日（21日）在紅磡舉行92歲生日會，並邀請了一眾圈中好友出席，包括有：楊詩敏（蝦頭）、伍仲衡、羅蘭、陳德森等。伍仲衡在生日會親自彈琴獻唱祝賀壽星公修哥，修哥更在台上自嘲表示自己應該要參加老年好聲音。對於今日羅蘭驚喜現身出席生日會，修哥接受訪問表示：「我昨晚同佢睇一個醫生嘅演唱會，佢都冇出聲冇講，所以我見到佢嚟我都覺得好意外。」

被問到生日願望是否望開演唱會，他說：「我將來就會喺澳門演唱會，不過唔知幾時。」他續指自己的朋友不斷邀約吃生日飯，所以十分忙碌。至於契仔張學友最近已經在香港舉行完演唱會，講到二人有否相約聚會，他說：「冇呀，佢繼續佢嘅行程，佢喺泉州有俾訊息我，話唔好意思，我而家喺泉州等我返嚟先再同你聯絡，大家見吓面就OK。」

另外羅蘭亦有接受訪問，提到早前《萬千星輝頒獎典禮》林明禎主動向修哥提出想合作兼做女朋友，被問到聽見後會否呷醋，她笑說：「我同修哥冇得呷醋㗎！我同佢係幾十年老友記，唔係情侶，唔會呷醋。如果聽見修哥有情侶，我會開心，等佢有個伴。」她續指見證修哥歷年來的感情狀況。