早排英皇公司迎來了新轉變，連公司Logo都改埋，今次這個Logo玩簡約風，只係簡單三隻公司名稱的大字就完成。根據消息，那個EEG的G字整到好似refresh咁嘅圖案，相信就係想重新整理，為公司帶來新轉變和新型象。不過比起之前，就無咗4個「英皇娛樂」的大字，如果唔太熟悉娛樂事務嘅人真係未必知道係英皇娛樂囉。

其實Logo如果玩簡約風真係好易出事，因為英文字玩來玩去都係咁上下樣。有網民就話今次呢個新Logo十分似北歐鞋履品牌ECCO，講真個E字似就無計喇，始終都係同字。不過EEG個G字就同ECCO個O字真係好似，但明明係兩個字嚟架嘛，只係將個G字加咗個箭咀，雖然話有個refresh嘅意思喺度，但唔係太說服到人囉。有很多網民就認為呢個Logo過份地hea，提議炒咗個設計師，其實有時有啲嘢真係一動不如一靜，改完之後唔見到有咩好評，反而仲覺得個設計差咗，真係唔知改嚟做乜？