【學是學非】黃心穎是非精再亂入 李佳芯張秀文幾時集體回歸？
撰文：洪曉璇
出版：更新：
《學是學非》播出以黎都大受歡迎，用輕鬆手法示範各種科學實驗，介紹歷史、法律知識，亦令一眾是非精彈起，成為廣告界新寵兒。不過今年改版後加入應屆港姐馮盈盈、劉穎鏇及張寶兒，而黃心穎、李佳芯、張秀文就告別節目專心去拍戲啦。雖然新是非精表現不俗，不過都有唔少網友懷念元祖班底，唔使掛心，心穎BB回歸啦﹗
有心穎回歸，40點收視真係有望啦。(影片截圖)
9月10號晚播出嘅《學是學非》，一開場見到有個面具人叫YES NO MAN，繼續惡搞已經決賽最終打和收場嘅《中國有嬉哈》，OUT唔OUT唔係重點，最緊要係揭開面具竟然係久違了嘅心穎BB﹗連帶魯賓穎歷險記都番黎啦，睇見心穎同梁嘉琪飾演嘅魯賓穎同黃藥煲，CULT得嚟真係好好笑。睇番劇情話魯賓穎仲要搵多三粒寶石，應該嚟緊幾集都仲會見到佢嘅蹤影﹗
大家最愛就係是非精唔顧靚樣瞓身攪笑。(影片截圖)
心穎會唔會考慮再著呢套美少女衫呢？(影片截圖)
由13年4月起，《學是學非》眨下眼已經播到第五輯，除左梁家琪由頭主持到尾，中間都多次加減主持人數，第一輯由黃心穎、李佳芯、梁嘉琪、麥美恩擔任節目主持，第二輯起加入湯洛雯、張秀文，第五輯起黃心穎、李佳芯、張秀文不再擔任節目主持，換入張寶兒、馮盈盈、劉穎鏇代替。其實由上一季開始，黃心穎、李佳芯2位就已經專注拍劇而很少於節目中露面，呢次心穎亂入客串絕對令是非迷喜出望外，唔知幾時會見到Ali同張秀文回歸客串下呢？
如果有一集齊晒新舊是非精就好啦﹗(影片截圖)
+9