外賣食物時最怕遇上貨不對辦的情況，因一旦遇到問題亦難以追究。有網民昨日分享「中伏」經歷，指在旺角一間素食店購買外賣鰻魚牛油果卷，詎料回到公司後打開外賣盒後，竟發現壽司「甩皮甩骨」，卷中只得牛油果，鰻魚消失得無影無蹤，與餐牌上的圖片相差甚遠。樓主大感憤怒，致電餐廳投訴，職員則以「啱啱返工3日可能搞錯」為由致歉。網民看完壽司的圖片均大呼離譜，笑言壽司賣相「好似廚餘咁」，有人則貼出同一款壽司的堂食相片，稱餐廳出品一向無問題。

下載「香港01」App ，即睇城中熱話：https://hk01.app.link/l7U1Y7t5LO

該名女網民昨日（9日）於fb群組「中伏飲食報料區」發文，稱「乜都唔駛（使）講睇圖就知伏喺邊」。樓主貼出兩張相片，第一張相片為一張餐牌，寫有不同壽司的價錢，並有鰻魚牛油果卷的圖片；而第二張則為樓主購得的外賣鰻魚牛油果卷，可見中間放有小塊牛油果的壽司只馬虎地捲起，幾乎散開，而且未見有鰻魚，賣相與餐牌的圖片大相逕庭。

樓主表示，該外賣素壽司是「買畀個食齋嘅客食嘅」，沒想過收到後會見到賣相如此，直言「打開盒，我以為自己拎咗盒廚餘」，笑言壽司內「消失的鰻魚」可能被廚師「唸經放生咗」。她續稱，該壽司內有生米，形容「難食指數冧巴溫（number one）」，最終因「個客拜佛嘅，佛心，都有食晒，不過都話離譜」。樓主事後致電該餐廳投訴，女職員稱「啱啱返咗三日工，乜都唔識，可能攪錯咗」，向她致歉。

其他網民看到帖文亦直斥離譜，笑稱該壽司的賣相「好似比（畀）人食過」，不符合商品說明條例，「變左（咗）牛油果小卷」，「小朋友做勞作都好睇過佢」。亦有網民貼出早前於同一餐廳堂食的鰻魚牛油果卷作比較，稱與樓主所購得的「好大分別」，提醒樓主「外賣要逐盒開嚟check（檢查）」。

（fb群組「中伏飲食報料區」）