青年人寫歌，並非只有「情情塔塔」。下月將開演唱會的Boyz Reborn，歌曲除談及學業，亦談政治。2014年佔領運動，Boyz Reborn先後重唱《問誰未發聲》及《撐起雨傘》，並自創歌曲《催淚彈》，YouTube點撃率達二十多萬。兩年過去，Boyz Reborn並非「抽抽水」，繼續推出政治歌曲；更為了繼續唱政治歌，推卻演唱會贊助。

今年八月，Boyz Reborn推出新歌《政治歌》，歌詞明刀明槍「衣食住行亦涉政治　不理會算最反智」、「眼見這個自由社會　驚慌中退步」，希望「帶動你反思」。Boyz Reborn結他手Ian明言，創作政治歌「唔係大唔大膽嘅問題，本身喺樂壇就應該有啲咁嘅嘢，係香港比較鍾意情歌」。

伸延閱讀：唱完《問誰未發聲》唱年青人心聲　Boyz Reborn 本月開演唱會

鼓手Sam指，唱政治歌並非為出名，強調Boyz Reborn的宗旨是「敢去發聲、乜都夠膽講」。Sam續指，早前有人提出贊助Boyz Reborn演唱會所有費用，但條件是不能接觸政治，最終Boyz Reborn亦斷言拒絕，「我哋唔會話有sponsor喎，唔使憂啦」而違背初衷。現時Boyz Reborn靠售賣CD及經理人Eddie開班教樂器去維持營運，Eddie仍認為「音樂係關於人嘅生活，政治就係人嘅生活，所以音樂應該都要有政治」。

對於Boyz Reborn歌曲涉獵政治，會否擔心被人認為只是無用的溫柔抗爭？Keyboard手阿佳直言「都驚自己比人話左膠」，但認為人有情感，創作歌曲是希望更多人可透過接觸歌曲，去關注某一議題，縱使成效未必很大，但亦希望透過歌曲團結人心。

而主音Ben指，抗爭亦有分為硬性抗爭及軟性抗爭，強調軟性及硬性抗爭實為並存，故不應該偏頗其中一面而忽略另一面；自己亦有參與「硬性抗爭」，「人大釋法，我哋都有跟住去中聯辦」，笑言「我哋又唔係真係左膠到一個極點嘅」。Ben認為，唱歌屬軟性抗爭一類，「要同人講你哋係為乜而做，點解覺得呢樣嘢咁重要」。Ben亦認為，軟性抗爭可更易帶出背後理念，「用一個藝術文化角度去表達，啲人會易接受啲」。

Ian強調兩者做法不同，但目標一致，認為文化藝術及音樂，可填補硬性抗爭的缺漏，縱然音樂的矛頭未必能夠「直穿紅心」，但卻可營造一個合適的抗爭氣氛；「如果淨係得硬性，會無咗嗰種凝聚同團結。至於Kenny則指，硬性抗爭已是其能力範圍之外，「我哋最叻就係唱歌，咁就作吓歌，起碼講咗我哋自己想講嘅嘢先」。