孩子遭碰撞哭着找父母　爸爸1句教訓令網民震驚：而家咁樣教仔？

人多擠迫難免有碰撞，小朋友要學懂保護自己，但有父母竟然教導「以牙還牙」？有網民在討論區發文稱，有日帶侄仔到玩具店購物，其間1名小朋友被撞倒而哭泣，並走回其父身旁，沒料該爸爸竟教訓他「俾人撞親逼親咪撞返佢囉」，令樓主相當震驚，「原來而家係咁樣教小朋友？」。

該網民在香港討論區以「原來依家啲家長興咁樣教仔」為題發文，指前晚（11月30日）跟家人吃完生日飯後，帶侄仔到1間玩具店購買聖誕禮物。店內人流愈來愈多，亦自然地多了碰撞，當中1名小朋友哭着找回爸爸並控訴「我俾人逼到呀」，惟爸爸竟回應稱「俾人撞親逼親咪撞佢囉，一係你就唔出聲，一係你俾人撞到就撞返人」。

不過，這位爸爸的回應連其太太都不敢苛同，並指「點可以咁樣教個仔」，惟該父企硬反駁，「真係整親人嗰陣，人哋老豆老母都會出聲架啦，咪到時先算囉」，在旁的樓主聽見都嘩然，「原來而家係咁樣教小朋友？定係呢個老豆真係個別例子？」。

帖文引起網上熱議，有網民批評事件中的爸爸「唔識教」，不應該向小朋友傳授「私了」文化，但有不少人相信該爸爸只是想教導小朋友自己解決問題，「唔係下下返嚟搵阿爸阿媽」，而且「人善被人欺」，有些情況如校內欺凌等就不應啞忍。