睽違16年，黎瑞恩再踏紅館舞台，舉行《感恩有你2018》演唱會。一連兩晚的演出來到尾聲，跟一眾樂迷一樣，小恩子顯得特別興奮，與觀眾重返寶麗金年代，感受金曲的美好。
睽違16年，黎瑞恩再踏紅館舞台，舉行《感恩有你2018》演唱會。一連兩晚的演出來到尾聲，跟一眾樂迷一樣，小恩子顯得特別興奮，與觀眾重返寶麗金年代，感受金曲的美好。
小恩子身穿純白色蛋糕裙從半空現身，甫出現便唱出代表作《陽光路上》。 小恩子笑說：「聽聞當年我迷倒唔少懷春嘅少男。今晚有無懷春嘅少男可以比啲聲我聽呀？」台下隨即掌聲雷動。 為演唱會努力瘦身的小恩子問道：「大家有冇覺得我瘦咗少少？」觀眾大聲和應「有！」小恩子續道：「不過我係玉女嚟㗎嘛，點都要有啲肉嘅！」 除了《陽光路上》外，小恩子更一口氣唱出《認真》、《舊愛新歡》、《多情》、《發誓》等金曲。 演唱會進入第二部份，小恩子換上一身紅色Bling Bling裙，別出心裁地讓舞蹈員以魔術變自己上台。 第二部份小恩子帶來大家的童年回憶，唱出一連串兒歌Medley，包括《長腿叔叔》主題曲《夢中天使》、《我係小忌廉》、《千年女王》及《超人迪加》。 唱著唱著，小恩子更走到台前與粉絲握手。她特意叮囑樂迷：「我行得近嘅時候唔好話我肥同多皺紋呀！」台下相當識做，大叫：「好靚呀！」 除了自己的作品，小恩子也不忘提攜後輩，邀請樂隊sp'ACE上台合唱《一樣的月光》及《白金升降機》。她表示：「我以前喺寶麗金年代嘅時候都得到唔少前輩幫助，所以嚟到而家，都想做返呢個前輩嘅角色，幫吓啲年青人，等佢哋有機會喺大家面前表演。」 黎瑞恩台上大爆：「噚晚太興奮，所以成晚冇瞓，而家隻眼都乾乾地。」 小恩子再次換裝現身，一襲黑色晚禮裙，在紫色燈光下顯得艷麗非常。 小恩子翻唱JW的《矛盾一生》，緊接著自己的作品《雨季不再來》。兩首作品互相襯托下，又道出另一個故事。