網購攻略

【香港女裝】3間大熱香港本土女裝網店 IG Followers高達11萬?!

撰文:小甘
出版:更新:

平時女裝網店都介紹唔少,不過來來去去唔係淘寶店就係韓國網店、台灣網店。其實香港本土都有好多高質女裝網店,非常值得我哋去支持。雖則好多姊妹都會覺得香港網店「食水好深」,但其實好多時店主都係一個人親力親為,由揀貨、影相、出貨、覆客、廣告等等都「一腳踢」,一個月仲要飛幾轉韓國日本批貨,真係少啲毅力同體力都搞唔掂。諗深一層,其實佢哋賺多小小代購費都相當合理,最重要係香港人緊係要撐番香港人喇!

相信大家呢排都好難出街買衫,不過冬天即將來臨,始終都要買吓新衫過冬。事不宜遲,立即睇睇以下3間香港人氣女裝網店:

店鋪一:The J Diary

唔知姊妹們有冇睇開韓劇嘅習慣呢?好似今年大熱韓劇《金秘書為何那樣》、《觸及真心》、《她的私生活》等等,劇中嘅女主角—朴敏英、劉仁娜,簡直就係一本行走嘅時尚教科書,佢哋嘅完美穿搭唔單止望落時尚,又不失知性女生感覺。無論係要見老闆或見客,成個造型大方得體又唔老套,稱得上係職場女士們嘅穿搭典範。

而正因為呢個原因,小編必需推薦The J Diary畀一眾姊妹。The J Diary主打韓風簡約清新女裝,店主係半定居於韓國嘅香港人,唔知係咪呢個原因,店主挑選嘅服裝都非常貼近韓國嘅潮流。而且大部份款式都好適合返工着,店主拍攝嘅實物圖完全就係韓劇女主角本人!!以後OL姊妹們又多一個入手返工衫嘅選擇喇👏🏻。

Instagram:@thejdiary / Facebook:@thejdiary 

🔻The J Diary秋冬新品🔻

+11

店鋪二:Secro Store

如果上面嘅風格唔啱你嘅Style,唔知日系小文青風你又鍾唔鍾意呢?Secro Store主要係代購品牌貨品,例如Nike、Champion、Kangol、Stussy等等。雖然某啲品牌喺香港都唔難搵到,但一啲大熱款式,香港就真係未必買到。(溫提:代購自有風險,買家請自行斟酌購買)除咗品牌貨品外,仲有大量韓國女裝,就連男裝都有賣㗎💕。

而對於小編嚟講,Secro Store最大賣點就係靚靚店主,事關最初小編第一次發現呢間網店,就深深被店主甜美嘅笑容擊敗,義不容辭立即Follow該網店IG。店主仲會係IG上分享自己生活旅遊點滴,剩係睇吓店主嘅照片就已經夠晒賞心悅目喇🥰。更值得一讚係,Secro Store不久前推出咗7天退貨服務保證,真係好少本土網店會提供到呢個服務,咁以後即使收到貨發現唔啱size都可以放心退貨喇!

Instagram:@serco.storee 

🔻Serco Store 秋冬新品🔻

+10

店鋪三:Brown sugar

職場女裝同埋小文青風格你都唔啱?唔怕!小編最後介紹嘅網店—Brown sugar主打Made in Korea韓國簡約休閒女裝,大部份嘅服裝都係以淨色為主,並沒有任何花巧嘅圖案或花紋。亦正因為呢個原因,Brown sugar嘅服裝就比較唔挑人,任何身形、高度嘅女生都啱着。事關好多時逛網店,Model們唔係高高瘦瘦、白白淨淨就係靚靚女女,雖然望落係好吸引,但當幻想自己着住Model套衫就唔多唔少會有點怯,擔心自己駕馭唔到。

而Brown sugar嘅Model上身圖就相對「貼地」得多,Model們感覺已經好有親和力,睇佢哋嘅穿搭示範,就好似你嗰閨蜜話你知邊件衫好睇一樣,真係經常睇睇吓就唔覺意被燒到㗎🔥!

其實Brown sugar 喺旺角砵蘭街都設有實體店,如果你實在好心急想要買現貨,都可以直接上去門市逛逛。

Instagram:@brown_sugarsugar 

🔻Brown sugar 秋冬新品🔻

+10

香港網店絕對不比國外網店差,請大家多多支持香港本土女裝!💪🏻💪🏻💪🏻

(以上資料以官方最新發佈為準)

唔想錯過任何網購限時優惠?立即 Like 《一網打盡》Facebook專頁同加入Telegram Group啦!你仲可以拎到獨家優惠碼及禮品𠻹!

 👉按此讚好《一網打盡》Facebook專頁👈

👉按此進入Telegram優惠碼發放區👈