有連登巴打發，指自己今年year1，開學幾個月已經有點迷茫，想問問過來人，讀大學有冇最後悔的事，不少巴絲打都樂於分享。
【溝女至上】盡花時間溝女，咪哂時間讀書，讀書無用，A0 grad ，記得花多d時間social同溝女。（網上圖片） 【Exchange】記住一定要去Exchange，唔好hea咁多，玩多啲活動，唔好咁摺，啲人際網站就係咁建立。（網上圖片） 【玩多啲活動】學下嘢增值自己，自己啲時間用晒落讀書，同番part time賺錢生活，大學冇咩特別回憶有啲後悔。（網上圖片） 【唔好拍咁多拖】唔好畀女朋友佔你太多時間，住hall飲酒條女又唔開心，出街食飯Reu，又驚女朋友無人陪，多咗好多嘢諗，識多啲朋友啦。（網上圖片） 【認真讀書】上莊走堂，好浪費時間浪費金錢，認真啲讀書，有好多嘢你出咗社會，想學返就好難，大學可以學到嘅嘢，其實比你想像中多好多，唔好浪費四年時間。（網上圖片） 【真心朋友】真係熟嘅，只係識到5、6個朋友，會一齊溫書，出去食飯、Hang out，幾條友會一齊努力溫Midterm、溫final，一齊研究下功課，我覺得幾過癮，都係大學先真係培養到讀書興趣。（網上圖片） 【想要啲乜？】除非你係本身聰明又work hard play hard，否則真係認真讀書，唔好以為hea讀咗個year 1、2就追得番，因為就算你追,都未必可以過3，講到尾都係睇你自己想要咩，想博盡無悔上莊，定係想做soc嘅active member？（網上圖片）