【隱形工種】魚檔月入過三萬、冇新人入行？跟「西環魚王」學劏魚

喺街市魚檔返工，你最先諗到係魚腥味，係濕立立嘅地板，定係同街坊街里之間嗰份情誼呢？
記者阿京今次嚟到士美菲路街市嘅「周記鮮魚檔」，做一日嘅魚檔實習生，由漁市場揀貨，到落檔口幫手叫賣，仲有幸跟到劏足三十年魚、有「西環魚王」之稱嘅牛哥學劏魚。
同魚檔老闆傾偈時，佢哋話：「街市係經濟嘅命脈」。喺街市返工可以觀察到好多嘢，由魚價菜價反映嘅物價高低，到每日係啲乜嘢人嚟街市買餸；話佢哋係，站喺民生第一線嘅觀察員都不為過。面對冇新人入行、就業人口老化，始終避免唔到轉型嘅命運；傳統魚檔嗰份同街坊間嘅情誼、貼地嘅交流方式，又會唔會有日消失呢？