張天賦暗寸周啟生批陳蕾唱功差：演唱會係娛樂性我跳舞都甩皮甩骨
撰文：吳子生
出版：更新：
資深音樂人周啟生早前在社交平台毫不留情點名批評陳蕾在演唱會唱功差：「有朋友send咗一啲links畀我，係一個女仔嘅演唱會，女歌手叫陳蕾。我之前曾經聽過一兩隻佢嘅歌，聽唱片製作又真係幾好聽！音樂，歌詞，唱歌都係合格嘅！但係聽佢現場嘅表演，真係嚇咗我一跳，彈結他甩皮甩骨，唱歌近乎離晒譜咁走音。」此番言論惹起網上熱議。
周啟生批陳蕾唱功差彈結他甩皮甩骨。
張天賦（MC）昨日（2/5）現身西九文化區出席香港電台節目巡禮活動，他就事件接受《香港01》訪問時表示：「其實我就好少睇呢啲新聞，但陳蕾係我心目中嘅女神又係歌神。（周啟生批陳蕾彈結他甩皮甩骨！）我覺得演唱會係娛樂性，即係好似我咁，我跳舞都甩皮甩骨啦，手腳唔協調，咁如果以技術而論，咁係唔及一啲專業人仕好，咁但係我認為只要達到娛樂性嘅目的，能夠娛樂到觀眾，而我又享受，我就會做得好。（擔唔擔心日後都會被人批評唱歌水準？）其實企得喺台度一定會有唔同嘅聲音，無論好又或者唔好嘅聲音，作為我哋喺呢行，都需要有韌力去消化，係要識得調整自己嘅心態，先至可以下一步去用更好嘅表現去畀大家。」
張天賦力撐陳蕾。（陳順禎）