Dear Jane於《2024年度叱咤樂壇流行榜頒獎典禮》奪得組合金獎，Tim在台上表示因外父於加拿大入院，老婆急急飛返加拿大。

Tim在慶功宴上接受訪問時，老婆帶埋囡囡飛加拿大，自己因有工作在身，加上要照顧3歲囝囝，所以唔會飛，但外父暫時已過緊急時期。「要keep住睇情況，我知老婆都有畀佢睇今晚頒獎，希望大家集氣。」

Dear Jane至今已奪10次叱咤組合獎，與Beyond 11次快要平手，他們表示做音樂並非為獎，每年得到認同是bonus，但開心亦是真。「我見到太極有5個銅獎，等緊有日同佢哋齊名，我哋有4個喺手。平Beyond的話係榮幸，因為真係偶像，盡力啦。」