8時收工，拖住疲倦嘅身軀返到屋企嗰時，阿媽子又咁啱就煮好餸。「快啲幫手開枱，我趕住睇電視!」一屋人坐低食晚飯，例牌就一定會扭開個電視機睇劇。我心諗：「咦，套劇又唔同咗? 」睇真啲，點解又有家燕姐嘅? 明明星期日先喺TVB個唱歌節目(流行經典50年)聽到家燕姐嘅笑聲。不過諗諗下，夜晚TVB仲有重播家燕姐套「唏呀唏呀唏呀唏...」(皆大歡喜)。一個星期７日，家燕姐就佔咗6日(星期六　8:30pm是《我係小廚神3》) 。如果計埋深夜時段播放嘅《皆大歡喜》同之前嘅節目《香港情 ‧ 香港味》，粗略估計再合指一算之後，成個星期起碼會對住家燕姐10個小時。

霸屏，指同一明星在一個時段於多部影片播出。《中國網路用語》

薛家燕（家燕姐）接受《香港01》訪問時解釋：「霸屏呢樣嘢呢，其實係撞啱㗎啫。第一《皆大歡喜》因為係成幾百集，當年係一個咁受歡迎嘅si-com（處境喜劇），所以好多人都追呢套劇。第二，《流行經典50年》原先我只係做4集，點知又係好多人睇，收視又好，所以就一直延續到宜家。而《燦爛的外母》呢，其實我兩年都冇同無線拍劇，今次佢就為我度身訂造個劇本，咁我都要還債，所以我都要同佢拍返套劇。咁就咁啱《流行經典50年》仲做落去，又有個劇，夜晚又有《皆大歡喜》。」喔，其實所有事情也是碰巧的，才造就這個「霸屏」的誕生。

講起「家燕姐榮登霸屏寶座」這件事，家燕姐又笑言說：「霸屏，哈哈。都好難搵個做到㗎。因為做呢個霸屏，第一你要識演戲啦，咁咪有劇集囉。第二你要識做主持識唱歌，咁先有流行經典囉。第三你要有愛心先拍到一個有人情味嘅節目。唔係咁容易做到霸屏嘅。」其實家燕姐除了以上的優點外，還有美貌與令人開心歡笑的能力。這一點似乎也並不是所有藝人都做到的。

劇了解，其實薛家燕除了演藝事業及家燕媽媽藝術中心之外。她最近更籌備推出香港食品手信，家燕媽媽藝術中心姐接受《香港01》訪問時表示這次其實是一間食品廠主動找她合作。家燕姐的朋友對她說：「講起香港情‧香港味，妳如果代表香港就最好啦。因為妳叫做家燕媽媽，俾人感覺好有親切感。」所以就促成了這次的「家燕媽媽」手信牌子的誕生。家燕姐表示說個英文名叫做「Mother Hong Kong」，而更會用上家燕姐的肖像作為「生招牌」，希望帶畀人開心同埋對香港有代表性咁話。

​咦，咁咪同曾志偉一樣賣手信囉？家燕解釋說：「其實曾志偉代言嘅奇華係做得好好，我只不過係跟佢學習。我又唔敢話要分一杯羹，正如酒樓都好多間，都係各有各做唧。其實我都係為將來鋪路，因為年齡大，幕前嘅工作都開始吃力。」所以話，要做個好似薛家燕咁出色嘅藝人前輩真係唔易㗎。