張景淳傳與菊梓喬拍拖睇戲:喺佢未入行之前已經好Friend㗎喇

撰文:
最後更新日期:

近來張景淳(Stanley)正值事業的上升期,繼《使徒行者2》飛機一角令到自己更多人注意,不再局限於當年《天與地》的家明後,再接拍了勢頭正好的處境劇《愛.回家之開心速遞》,之後還有無綫重本特技劇《十兄弟》中做飛天五,睇得出公司愈來愈看重他。

《愛.回家之開心速遞》都會成日見到佢。(網上圖片)

+2

近日,有周刊拍得他跟同樣正值事業上升期的菊梓喬(Hana)一齊行街睇戲,而且行為十分避忌,似係不想惹人注目。Hana簽約星夢1年,備受力捧,除了大量劇集主題曲俾佢入屋之外,今年在TVB自家頒獎禮勁歌總選入面狂掃3獎,在十大中文金曲頒獎典禮都有「全年最佳進步獎」,實力備受肯定之餘亦相信公司好努力為佢爭取。

Hana今年成績十分好。(資料圖片)

+3
+2

兩個都在為事業搏殺,又郎才女貌,真係拍拖都唔出奇。不過Stanley在接受《香港01》訪問時,他稱和Hana的關係是純粹識了很久的朋友,他說:「我都有睇個報道,其實好簡單,因為我哋住附近,大家係鄰居,同埋識咗好耐,我喺佢未入行之前已經好Friend㗎喇,平時會見吓面睇吓戲,都係好正常嘅朋友。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。