張景淳力證從來無一腳踏兩腳 啞忍零反擊:呢樣嘢困擾咗我好耐

撰文:黃梓恒
出版:更新:

呢兩日張景淳(Stanley)真係好多新聞,一時話佢同星夢力捧的菊梓喬(Hana)偷偷拍拖,一時又重提他當年與華姐女友宋雙佳冷戰時,同前HotCha成員張惠雅(Regen)拍劇而產生愛火花,但當時Regen又係有男朋友,搞到變成四角戀關係。

張景淳與前TVB娛樂新聞台國語主播宋雙佳拍拖多年!(微博照片)

不過Stanley在接受《香港01》訪問時,就講明自己從來無做過這種事,而是傳媒老屈佢,他說:「而家係無拍拖,大家都有睇嗰篇新聞,佢翻返啲舊史,其實嗰啲舊史真係錯㗎。係佢哋某程度上一路冤枉我又好,或者佢哋曾經選擇咁寫,但嗰陣我無出嚟澄清,變咗俾人當事實咁寫落去。我今日再出返嚟有新聞,我真係想澄清返,我無試過一腳踏兩腳,從來無試過!每一段關係係好清楚,分開咗一段時間先至開始另一段,但當時我無企出嚟澄清,搞到俾人講咗咁耐,反而呢樣嘢困擾咗我好耐,好想去澄清,好想各大傳媒報章都知呢件事。仲有一件事,我唔係富二代,我從來都係自己賺錢,自己租屋,俾錢屋企人,屋企亦都唔係富有家庭。」人紅自然多是非,近期Stanley劇接劇,自然會引起人注意,最緊要都係專注自己,繼續俾心機,唔好俾呢啲新聞影響到!

被爆出他暗撻HotCha成員張惠雅( Regen)後,二人分手收場!(資料圖片)
+2
發表評論...