張栢芝去年開始正式踩入時尚界推出自家品牌「See Ceci Street」，主打潮流服飾系列包括服裝、腕錶、袋、帽以手飾等，夠晒多元化。栢芝自己就做埋生招牌，連仔仔都一齊做模特兒幫手宣傳。她亦都好落力於Instagram出post力sell，近期的post幾乎有8成都是同她自家品牌系列有關。而栢芝亦都好熱情咁送錶給一眾好友，做人情之餘順便做埋推廣吖嘛，真係一舉兩得。

早前栢芝又送了新錶給任賢齊同林志穎，繼續大玩明星效應。栢芝推出的腕錶售價一點都不便宜，要成港幣5千多元一隻。不過她的粉絲就覺得好抵買喇，因為手錶背面有栢芝的簽名，當然是印上去的。另外栢芝日前又於ig貼圖寫住：炒作冠軍，並留言自己真是醉了，未知是否與近日微博熱搜榜受到爭議令官方終暫停熱搜榜服務一事有關？