張敬軒貼地與網民真情對話 粉絲感動到喊：你啲歌俾到一種力量我
撰文：林迅景
出版：更新：
我都好想張敬軒打電話俾我。（截圖）
張敬軒原來都會上連登討論區（Lighk）？話說今日張敬軒就喺自己個facebook fanspage度post咗條片，原來喺佢同連先生（連登討論區管理員）一齊打電話（Telegram）俾連登網友。影片一開始張敬軒就話自己最近上咗連登討論區檢視自己嘅負皮（負評）發展情況。張敬軒之後就揀咗幾位「留下建設性留言」嘅「負皮王」，好有心咁打電話去傾下計。
其實精神分裂係特色嚟㗎。（截圖）
軒仔一開始仲好搞笑咁扮有鄉音嘅公司識員阿姐，當然班網友梗係認唔到係軒仔自己打電話過去啦。其中一個網友喺討論區留言話「如果軒仔3月出到碟，就會圍著英皇中心祼跑」。軒仔打電話去就問：「妳方唔方便祼跑？」而呢位網友亦都好誠實咁話：「我梗係唔會啦，因為我信佢一定唔會出到。」之後個網友知道電話另一邊係軒仔之後，仲嚇到個網友話：「你攪到我好大壓力。」
除咗呢個之外，仲有一位網民知道係軒仔同佢講電話之後，仲感動到喊添。網民同軒仔講：「因為幾年前有啲情緒病，聽住你嘅歌，其實自己都好開心。我覺得你啲歌俾到一種力量我。」之後軒仔仲好sweet咁關心呢位fans添。
+6