有份出演《深宮計》的演員們早前曾經各自承諾若點播量達30億，就會自貼床照、泳裝照或兒時裸照，如今紛紛開始「找數」，惟有蕭正楠的兒時腹肌裸照有些與別不同，相片只是將兒童版蕭正楠的頭，Key在一張有腹肌的男人照片上，自然引得網民起哄。

蕭正楠出席《深宮計》慶功宴時正面回應：「我都唔明點解佢哋個個都有兒時裸照，我自己細個啲相真係張張都有着衫，真係冇辦法。」又問到會否發佈代替品安撫網民，蕭正楠表示：「或者我哋可以再定下一個里程碑，如果點播量突破到35億，到時我哋再諗下有咩可以再發佈啦！」

既然兒時無腹肌，未知蕭正楠現在又有否考慮過鍛練成肌肉型男呢？蕭正楠坦言自己差得遠：「我對身體狀況都算滿意啦，自己呢排都好忙，尤其是夜晚拍《美女廚房》，正常7點8點後就唔應該再食嘢，但有時拍到11、12點都仲食緊野，既然腹肌會由六變一，不如一直keep住係一啦！」有提到翠如是否喜歡肌肉型男人，蕭正楠回應：「翠如希望我keep fit嘅，但係絕對唔想我變成好似嗰啲健美先生咁，嗰啲又太過分，佢最緊要係見到我健康就ok。」