【珠光寶氣】布偉傑結束11年「御用西人」生涯 轉戰荷里活再發展
長達82集的《珠光寶氣》可算是歷年來最大堆頭的TVB劇集，角色數目至今仍未有後來者可以打破其紀錄，事隔10年再於翡翠台重播能夠亦掀起煲劇熱潮。在昨晚（6日）播出的45集中，警方便可以調查「德叔」劉丹的綁架案，有份策劃案件的「阿發」關禮傑一度打算逃亡到內地，而調查案件的是飾演警司「陳Sir」的布偉傑（Brian Thomas Burrell）。
當然，布偉傑最經典的角色並非《珠光寶氣》中的「陳Sir」，大家對他最深印象的始終是《同事三分親》的「阿一」，而這個角色名更成為了他的未正式藝名。為無綫效力了17年的他在2007年河國榮離巢後，成為了11年TVB的「御用西人」，至今年2月1日正式與公司結束合約，而其暫別作為尚待播出的《荷里活有個大老千》和《危城First Lady》。
至於離巢後布偉傑的近況，他接受《香港01》坦言現時主力拍戲：「我好多謝TVB喺過去咁多年畀咗好多機會我，等我學到嘢，不過我想做電影多啲，啱啱9月頭去咗荷里活接咗兩套電影，下年會開拍。（詳情？）兩套戲名都未Confirm，一套就係尼泊爾發生嘅故事，一套就似《Rush Hour》（火拼時速），雖然仲係喺Pre-production階段，但已經確定我做兩個角色。」
提到布偉傑本身是美國人，問搵美金是否特別開心？他說：「都開心嘅，好多人都想喺中國發展，但係而家政府愈來愈多限制，香港演員愈來愈困難上去做嘢，所以返自己嘅祖國發展會更加好。」
問布偉傑為何突然有此機會可以衣錦還鄉時，他即笑謂：「都係我個經理人犀利，即係我老婆！佢就識咗啲華誼弟兄嘅朋友，我哋去洛杉磯就去探朋友，但係呢兩套戲就唔係佢哋介紹，係我喺香港識咗兩個美國人介紹，其中一個就係做尼泊爾故事嘅監製。」
至於幾時正式埋位開工？他答謂：「尼泊爾就未Confirm，另一套就喺杜拜拍，出年三、四月。（角色係點？）杜拜拍嘅就係做英國軍人出身嘅保鑣，但唔使點打，佢好認真做嘢，但有好多搞笑嘢發生。」