熊黛林禁止老公幫囡囡換尿片：唔想佢咁辛苦
撰文：趙允琳
出版：更新：
熊黛林（Lynn）昨日（11日）出席珠寶活動，身穿性感長裙的她完全沒有生過孩子的痕跡，極速修身：「我生完三個月嘅時候已經做瑜伽做運動，因為想快啲好似以前咁fit，所以就係咁瘋狂做運動，又有去美容院做啲瘦身療程。」她稱沒有特別控制飲食，覺得運動出汗是最佳的修身方法。她表示現在與以前體重尚有一段距離，Lynn希望繼續努力透過做高溫瑜伽能夠令身形回復跟以前一樣。
熊黛林稱經常做高溫瑜伽，在30多度高溫之下做瑜伽大爆汗後瘦身效果最好。（陳順禎攝）
今年首次在兩位囡囡的陪伴下過生日，Lynn覺得特別窩心：「雖然佢哋而家仲未識講嘢，但係攬住佢哋一齊喺度吹蠟燭嘅時候就已經覺得好sweet，希望我下一個生日可以趕得切同媽媽講生日快樂啦！」被問到老公有沒有送生日禮物給Lynn，她說：「梗係有啦！其中一份係出去旅行，好耐無兩個人一齊去旅行啦，我哋一齊去咗幾日，（去咗星加坡），好開心。」
Lynn說老公帶她到星加坡旅行作為生日禮物。（陳順禎攝）
不經不覺兩個囡囡已經5個多月大，Lynn是不是已經對湊B駕輕就熟？「我都ok，換片都ok嘅，老公嘅話，我唔畀佢掂囉！因為我覺得男人做嘢咁辛苦，返嚟同BB玩就可以㗎啦。」