姜濤被影到與貌似白石麻衣少女墨爺Anjan於街頭依偎:啱啱識嘅

撰文:
最後更新日期:

姜濤出道無耐已有大批粉絲。(ig圖片)

參加ViuTV選秀真人騷《全民造星》出道的姜濤,入行短短數個月已成功俘虜了大批粉絲,年僅19歲的他走韓系小鮮肉路線,不單止迷倒年輕少女,就連姐姐輩的女士都好迷戀他。姜濤最煞食之處是他自稱自己從未拍過拖,最多也只是暗戀過人,真係純過蒸餾水。

姜濤自稱從未拍過拖。(ig圖片)

不過日前姜濤就被影到與一名少女現身銅鑼灣街頭,兩人看似是單獨約會,雖然他們都戴上了口罩,但姜濤一頭搶眼的髮色依然輕易被人認出。那名少女就輕輕依偎在姜濤的胸前,兩人身貼身靠得好近,狀甚親暱,相信一眾粉絲見到這一幕一定會好傷心。事後姜濤表示跟對方只是普通朋友,又指是大家諗多了。

呢位就係當日出現喺姜濤身邊嘅墨爺Anjan。(ig圖片)

而當日與姜濤孖住逛街的少女名叫墨爺Anjan,是本地一名網紅,曾客串ViuTV的劇集。Anjan樣貌跟日本女團乃木坂46的主將,兼寫真女星銷量冠軍的白石麻衣有些相似。姜濤曾公開表示自己偏愛日本女生,唔知Anjan是否他杯茶呢?

姜濤今日出席活動時被問到有關報道,他就表示與Anjan是新相識的朋友,當時是送女方去搭車,只是角度問題令人誤以為他們靠得好近,事實並非如此,又強調自己沒有拍拖。而姜濤的經理人花姐則表示會以人頭擔保姜濤沒有拍拖,如要拍拖也要先過她那關。

白石麻衣 (ig圖片)

墨爺Anjan (ig圖片)

一齊睇下姜濤同埋墨爺Anjan嘅靚相,睇下佢哋襯唔襯啦。

+31
+31
+31


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。