【多圖】TVB也有大隻耆英? 六旬爆肌男:我每日做3000下Sit-up

撰文:
最後更新日期:

最近網友又再次談論一位來自山東的70歲老伯伯,原因並非他擁有過人智慧,而是他有一身肌肉,連後生仔都望塵莫及。他叫楊新民,參加過逾百場健美比賽的他更曾經奪得冠軍,近年還參加美國的「Arnoald Classic」比賽,並於元老組取得第4名,非常犀利。

點擊下圖觀看楊新民的一身肌肉:

+3
+2

別以為這些「大隻耆英」只有內地先有,其實香港都有不少,好可能大家身邊都有一個!而代表人物就一定是以下介紹的這一位,他更幾乎每天在無綫(TVB)節目中亮相,他便是現年63歲的股評人「郭Sir」郭思治。

郭思治經常在節目《智富360》中亮相。(電視畫面)

現在是證券公司行政總裁的郭Sir,多年來都在各大電視台、電台和報章中分享投資心得,如果有留意到無綫財經.資訊台,都會發到郭Sir幾乎每日都會在節目《智富360》裏面亮相,只不過沒想到他筆挺西裝之下,收藏了一身澎湃的肌肉。

之前,郭思治在北京出差時便趁空閒到長城走一趟,雖然天氣得攝氏幾度,但他行兩步已經覺得好熱,所以便脫下上衣赤裸上身繼續行,想不到吸引到外國女遊客上前要求合照。(Facebook)

+6
+5
+4

最近,有「股壇大隻佬」之稱的郭Sir終於在電視節目中騷肌,他在《無耆不有》裏面便大談健美心得:「我真係好貪靚,因為呢六嚿腹肌跟咗我咁多年,我唔可以冇咗佢。」主要鍛鍊線條和肌肉結實程度的他,每天會用1.5至2小時做運動,一般來說,每天會做2000至3000下Sit-up,鍛鍊人魚線的也做1000下,左、右兩邊腰各做500下:「胸、背脊、膊頭同手,每組做100下。」

除了運動,郭Sir亦嚴格控制自己的飲食,每餐份量都計得好足,好清楚自己放了幾多油、糖落口:「如果我冇記錯,我已經40幾年冇飲過咖啡同奶茶,我淨係飲檸水、檸茶,唔加糖。」午餐只會吃一個蘋果和一個麥包,晚餐會吃菜和肉,但白米飯份量就不多,一星期只有一至兩碗飯左右:「老實講,我過去十幾年,冇記錯嘅話,係冇食飽過。我從來都冇試過,要飽到鬆開褲頭。」

點擊下圖觀看郭Sir親身示範後生仔都未必做到的高難度動作:

+18
+17
+16


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。