劉嘉玲保持身材最大的敵人:我戒唔到酒!
撰文:郭芷晴
出版:更新:
劉嘉玲昨晚(24日)出席私人派對,一襲黑色低胸晚禮服壓軸登場,令人不禁好奇她如何保持好身材。她說秘訣就是五個字:「少吃多運動」。「我唔爬山就跑步,唔跑步就做gym,點都做啲野令自己身體細胞活躍起黎。」劉嘉玲也沒有特別為是次活動節食:「好彩我咁多年黎都係呢個size!但呢個並唔係一朝一夕可以達到嘅,而係靠我二十年黎嘅堅持同努力先做到。」她亦謙虛地開自己玩笑,「我咁嘅年紀keep到咁,ok 啦!總之我著衫唔臃腫就得。」
崇尚健康的劉嘉玲更非常「貼地」,經常坐小巴等公共交通工具去行山,大讚香港粉絲見到明星都保持禮貌,不會作出瘋狂行為。但意想不到的是,原來她都喜歡吃漢堡包,薯條和甜品等易肥的食物,但就會控制食量:「我每餐都唔會食好飽,因為會好眼訓。」最後劉嘉玲說最難戒的習慣是飲酒,因為酒會令人覺得放鬆和開心。「我都知飲酒好肥,但只要唔好過量就得。」