【唐人街】苦練十二路譚腿拳搏伍允龍 王君馨：相比佢我唔辛苦！
撰文：吳子生
出版：更新：
王君馨透露《唐人街》劇集拍攝到5月尾煞科。（吳子生攝）
王君馨今日（26/4）繼續為無綫劇集《唐人街》拍攝工作，為了這套劇集她日夜苦練「十二路譚腿」，練到周身傷痕，目的是誓要闖出「打女」路線。在劇中更會大顯腿法與伍允龍及元秋等人對打，盡顯功架。君馨表示拍攝打鬥場面，幸好沒有大傷，手腳瘀傷在所難免：「相比陳展鵬、陳山聰及伍允龍佢哋三個，我哋唔叫做辛苦，佢哋上身冇著衫咁所以唔墊得護墊，拳拳到肉，咁所以應該佢哋辛苦啲。」
王君馨（圖中）表示拍攝完畢《唐人街》劇集後，請伍允龍食車仔麵。（吳子生攝）
電影《復仇者聯盟4》近日終於在香港上映，全港影迷陷入瘋狂狀態搶購戲飛。君馨原來都是忠實粉絲迷：「好想睇，我老公佢已經睇咗，不過老公話下次我去睇嘅時候，佢會再陪我睇多一次，其實每套戲我都有睇。」（點樣防止劇透？）「一見到相關報導即轉台，聽到身邊朋友講，叫佢哋即刻唔好講，盡量避得就避。」
+2