古天樂（古仔）今日（20/5）出席在尖沙咀舉行的法國著名護膚品牌活動，同時為慈善機構籌款，幫助貧困兒童脫貧及改善生活。古仔表示：「今次呢個活動，希望我哋多啲關心我哋身邊嘅朋友啦，身邊嘅家人及年青嘅新一代，有時候我哋為咗自己嘅生活奔波嘅時候，身邊好多嘢我哋都未必識去關心，咁所以希望透過呢個活動，喚醒大家嘅關注。」

近日全城潮玩的返老還童Snapchat，不少圈中藝人都在社交平台貼相分享，連影帝古天樂都忍唔住玩埋一份，日前古仔在IG貼出一張返老還童相，被網民大讚好得意。古仔笑言小時候戴厚眼鏡，相片完全不像自己：「張相唔係我影，係林峯影嘅，之後我放上去同大家分享，本身我都唔知有呢個App，佢嗰日同我玩又得意咪同大家分享。」

點擊觀看更多活動照片：