柳俊江太太內疚要子女在惶恐中成長 引朱薰格言互勉:盡做

撰文:
最後更新日期:

前TVB主播柳俊江周日(21日)於元朗暴力事件中,因自發前往義載巿民,慘被白衣人圍毆打到頭破血流,身體各處縫了多針,還有很多擦傷和瘀傷。他隨後在IG報平安,其太太雷康怡(Florence)亦有更新丈夫的狀況。面對香港現狀,她表示為未能給予仔女最好的成長環境而感到內疚。

Florence 在 IG 就近日香港狀況發表感受。(Florence IG圖片)

柳俊江與太太Florence 非常恩愛。(Florence IG圖片)

Florence在IG感謝各界關心,「爸爸回家了,接受治療後幸好沒有大礙,大家不用太擔心。」她形容7月21日是香港黑暗的一天,同時斥責當權者「眼睜睜的講大話」,受傷的市民不敢到公立醫院;報警沒人受理;協助市民卻被稱參與打鬥、拿鐵通者卻能任意橫行,她感嘆對未來充滿無力感。

柳俊江因赴元朗救人,被打至頭破血流。(資料圖片)

Florence亦提到自己一個人聽電台時,忍不住哭起來,作為兩名子女的母親,她說:「很心痛又內疚我們未有最好的東西給予一對仔女,要他們在惶恐的城市中成長。」但商台DJ朱薰在IG說話給了她鼓勵,育有1子1女的朱薰,跟Florence一樣,對於近日社會發生的事,感到很重的無力感,相信這也是許多父母的心聲,她日前亦在IG撰文,表示自己有句格言「盡做」,作為父母,做到幾多就幾多,不要令自己後悔。Florence亦勉勵大家「我們既然已帶了一對仔女嚟到呢個世界,都不能想太多了,要好好療傷,要睡一覺再重新振作,還有更多荊棘需要我們衝破,大家要好好保重,要團結互相幫忙,一起拯救我們的家,香港人共勉。」

柳俊江在IG報平安,文末提及收到很多朋友的問候,當中聽得最多的一句,是「小心呀,屋企有大有細⋯」他 man 爆回應:「正正係『有大有細』,我地(哋)先要勇敢去守護,不是嗎?」

柳俊江:「正正係『有大有細』,我地(哋)先要勇敢去守護,不是嗎?」(Florence IG圖片)

柳俊江與太太Florence 結婚9年,他在大學餐廳對太太一見鍾情,利用ICQ展開追求。Florence 本身是一位豎琴演奏家,創立品牌「Beary Harpy」,在網上教琴,希望讓其他媽咪們能透過網上自學,重拾信心。

+4
+3
+2
在 Instagram 查看這則貼文

前晚睇新聞睇到瞓唔到,凌晨時妹之紮醒,話要去爸爸麻咪床度瞓,我抱佢上嚟,我望住佢塊肉面,摸下佢額頭啲頭髮,諗起朋友話呢排真係有後悔帶咗個女嚟呢個世界。 以前人哋問我,個社會咁,點解仲生仔。我答佢話我對自己有信心,我有信心教好佢哋,俾佢哋喺好嘅環境下成長。但最近又真係發生太多事足以打垮人嘅信念,嗰晚我無力感都好重,喊咗好多,覺得已經喺自己能力範圍以外。 沉澱咗一晚,第朝要準備當日節目,心諗點做好?我做節目係想帶開心俾人帶能量俾人,但尋日咁點做?我搵返我成日用嘅兩粒字掛返喺心口:「盡做。」無論喺工作上定係喺照顧屋企上,盡做。做到幾多就幾多,唔好俾自己後悔。 老實講,我都覺得暫時搵唔到有咩解決方法,但唔通現況係咁我就頹喺度?暫時未有岀路,就用呢段時間調整心態,覺得睇得太多的話,行開下先,只讓心情往下沉都唔係辨法。 我相信,你總有方法幫自己鬆返少少,睇書好聽歌好習字好跳舞好,我揀咗呢樣−−尋日同大小去街,買咗幾件特價衫俾佢哋,女人仔覺得好抵!個人鬆咗啲,整頓下,繼續上路!繼續盡做!💪🏼💪🏼💪🏼 . #阿之媽說 #純粹感性冇組織冇計劃亦無差別人人用得 #調整心態 #睇呢啲仔女相同RetailTherapy對我有用🤩 #你揀啱你嘅😉 #盡做💪🏼💪🏼💪🏼 #一起過🙌🏼 #tammuig #肉肉 #tambaby #冧之之兄妹

fun chu 朱薰(@chufune)分享的貼文 於 張貼



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。