傳無綫將有裁員潮 電視城人心惶惶  林子博:希望刀下留人!

撰文:
最後更新日期:

林子博(Bob)今日(9/11)現身九展為電影《失蹤》首映禮擔任司儀,這套懸疑電影改編自小說內有關結界的內容,並以2005年休班警員行山失蹤案為背景。子博直言十分相信這個世界有結界這回事:「正如太空黑洞一樣,當你進入咗黑洞之後,你就會去咗另一個地方,所以萬分之期待睇呢套戲。」

子博表示近來都有聽聞無綫將會有裁員潮消息,身邊舊同事都表現擔心。(葉志明攝)

對於近日有傳無綫將會有裁員潮,子博直言都有收到相關消息:「首先希望呢件事唔係真啦,甚至乎可唔可以將傷害減到最低呢?因為始終出面嘅市道都唔係咁好,咁有啲人真係要靠份糧食飯嘅,所以希望可以刀下留人啦,其實都知道身邊啲舊同事都幾擔心嘅,因為佢哋知道之後會有啲動作會做,所以佢哋都驚。」

子博笑言假如自己仍是單身寡佬時,都會不妨上山探究結界。(葉志明攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。