【後生仔傾吓偈】傳跟前度密會 馮盈盈澄清:只係處理物業問題

撰文:
最後更新日期:

最新一集《#後生仔傾吓偈》以「單身情人節」,節目一開首,陸浩明話明呢集係特地為馮盈盈而設。

馮盈盈嘅初戀原來在情人節當日開始,但亦同時喺兩年後嘅情人節終結。(影片截圖)

對於情人節,馮盈盈話自己嘅初戀都發生在2月14,仲非常回味地表示當時對方喺睇完戲同佢表白,陸浩明多口問到:「咁係喺情人節分手時?」,馮盈盈即時變臉表示:「你點知架……」成件事絕對係有始有終。

節目尾趕,連肥媽都出埋動……(影片截圖)

節目中,一眾後生仔寫下一句給未來伴侶嘅說話,內容離不開「遇見你太幸福」、「我終於等到你」,而向來語不驚人死不休嘅馮盈盈就寫下「Let's Get Wet」,到底點解係wet呢?佢話有兩種意思:「膚淺啲係希望可以同對方去旅行,去陽光與海灘嘅地方,去潛水、去見識世界。另一個意思就係細水長流的愛情,都可以係關水事,都要get wet……」呢個解釋都合理,咁希望盈盈可以早日get wet啦。

子碩給未來伴侶的說話係「我要進入了」……佢解釋係因為要進入對方嘅生活喎(影片截圖)

盈盈在節目中透露將在情人節當日,飛到馬來西亞工作,不過她接受《香港01》訪問時,就話因疫情關係,所以已經改期,但今日(14日)仍然係在工作中度過。「現在忙拍學是學非,今日也是在開工度過。」

而日前有市民向《香港01》報料,稱在情人節前夕(2月13日),發現盈盈跟前度一齊食飯疑似假分手。《香港01》記者問到她有關「假分手」、「地下情」的傳聞時,盈盈直認與前度仍有聯絡,原因係要處理共同擁有嘅物業,她解釋說:「昨晚(13日)我和他而及我Daddy 3人一起食飯商議,這是我們2個月以來第一次見面,我倆絕對不是發展地下情。」看來大家無須太多疑心啦!

馮盈盈去年宣布同醫生男友分手,但因為分手後火速被網民影到同遊嘉年華,所以引起假分手之說。(資料圖片)

如何get wet逐格睇

+9
+8
+7


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。