【迷網】黃建東做精神病人感同身受　呼籲大眾多給予關心體諒

藝人黃建東（阿東）於劇集 《迷網》中一改平時搞笑可愛的形象，飾演一個患有精神病的會計佬，病發時更用仙人掌挾持人質，以往多扮受害者的阿東笑言今次這個機會很難得：「事前睇咗好多關於精神病嘅電影做準備，劇情講述我病發時正在做頭部針灸，頭皮上插滿針又要發癲箍頸同埋用仙人掌攻擊楊玉梅，差啲拮親自己又拮親人，所以入戲之餘都要三分醒，要好小心。」同時，阿東亦很感謝對手楊玉梅和楊明，令他很快入戲之餘又很放心去做。

除此之外，阿東還需要穿上精神病人的保護衣，坐在輪椅上聲嘶力竭地發病，他表示：「其實着咗件保護衣被綁喺輪椅上乜都做唔到真係好攞命，體會到精神病人內心嘅巨大痛苦同束手無策，拍完之後聲沙咗幾日，希望大家通過劇集，可以感受到精神病人的苦處，多些關心、體諒佢哋。」