【金宵大廈2】主演陣容大檢閱 74歲劉江冇得留低?

撰文:
最後更新日期:

上年播出的無綫(TVB)劇集《金宵大廈》雖然失落《萬千星輝頒獎典禮2019》大獎「最佳劇集」,但仍然是不少觀眾心目中的「神劇」,除了是因為劇本出色、李施嬅和陳山聰兩大主角演出精湛,一班配角的演出亦應記一功,當中由劉江和張彥博共同飾演的終極Boss「林老師/林哥仔」更獲譽為靈魂人物,而最後一集兩人同時出場更引起《金宵》粉絲討論。

由劉江和張彥博共同飾演的終極Boss「林老師/林哥仔」完全是《金宵大廈》其中一位靈魂人物。(電視畫面)

【金宵大廈】拆解結局三大懸念 點解張彥博同劉江會同時出現?

相信不少《金宵大廈》的粉絲已得知劇集正準備開拍續集,主角之一的李施嬅更在Instagram貼出一張邊飲紅酒邊睇劇集的「靈異照片」,令人又驚又期待。據了解,《金宵大廈2》將於月尾開始拍攝,大多數演員亦已經收到通知。當然,觀眾最關心的始終是「林老師/林哥仔」會否再現《金宵》。不過,《香港01》卻收到消息指,年初離巢、快將74歲的「劉老師」劉江未獲TVB邀請演出。

點擊下圖觀看《金宵大廈2》演員陣容:

+16
+16
+16

李施嬅日前在Instagram貼出一張讀劇本「靈異照片」,嚇親不少網民,你又睇唔睇到有異樣?(Instagram/@selenaleelalee)

劉老師接受《香港01》訪問時坦言至今都沒有收到TVB聯絡,但沒有為此感到失望:「冇人聯絡我,應該冇份拍啦!」記者指觀眾或會感到失望,但劉老師卻答謂:「冇咗『林老師』呢個角色,觀眾就唔會有咁嘅感覺㗎啦!」睇得非常之「化」。

談到近況,劉老師直言現時留家避疫居多:「我係高危一族!(有Job都唔接住?)要睇環境,呢排真係要小心啲,大家都要多多保重。」

至於張彥博受訪時則指自己收到拍攝通知,但未清楚相關細節:「角色未清楚,仲要等劇本。(自己想演番林哥仔多啲?)其實有得參與已經好開心喇,乜都冇所謂。」

劉江和張彥博無緣一同飾演「林老師/林哥仔」。(資料圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。