應采兒首曬一家四口合照　佗B期間與陳小春拍真人騷搵奶粉錢

陳小春、應采兒近年參與多個內地真人騷節目，人氣直線上升。剛喺5月誕下細仔HOHO嘅應采兒，一直未有公開BB樣貌，相當保護。呢日應采兒公開一家四口合照，見到HOHO着住紅色連身夾衣瞓喺媽媽懷中，相當溫馨。

《爸爸去哪兒5》、《一起出發吧》、《三個院子》、《妻子的浪漫旅行第1季》等，陳小春、應采兒近年憑真人騷於內地錢途大開，應采兒更擔任《新生日記》主持，原來佢佗住HOHO時接拍《新生日記2》，不過今次就拉埋老公小春一齊做嘉賓。節目組公開嘅預告見到佢哋一家三口都有出鏡，當時大約懷孕34周半，Jasper對於弟弟即將出生表現得好興奮。