【踩過界】58歲林韋辰仍然勁靚仔 靠純天然護膚法:我唔用收縮水
撰文:陳栢宇
出版:更新:
無綫(TVB)翡翠台深宵劇場時段一直有不少捧場客,最近便翻播由王浩信、蔡思貝、李佳芯和張振朗主演的《踩過界》(2017),為11月首播的《踩過界II》打頭陣。今晚(21/10)播出的第23集便為「恐嚇及不誠實使用電腦案」帶來結局。由於「盲俠」王浩信等人設局,「大鱷」單立文終在庭上改口供,不但令「癲姐」蔡思貝獲判無罪釋放,亦使反派「韋大狀/Gotham」林韋辰未能奸計得逞。
點擊睇林韋辰如何成為「TVB御用斯文敗類」:
+14
有「TVB御用斯文敗類」之稱的林韋辰除了演技精湛,其私人生活亦有不少觀眾關心,最多人談論的絕對是與呂晶晶、李思雅的兩段圈內「父女戀」,亦有不少人詫異他為何四正靚仔樣可以廿年如一日,1996年演《再見艷陽天》和2017年演《踩過界》幾乎沒有太大分別,凍齡到似患上「不老症」。
【踩過界】林韋辰演斯文敗類奸到出汁 戲外原來係國際級搖搖高手
【九五至尊】林韋辰演斯文敗類勁入骨 戲外兩段「父女戀」最轟動
點擊下圖觀看呂晶晶、李思雅靚相:
+25
林韋辰上年接受《香港01》訪問便透露過獨門秘訣,教大家如何「時光倒流」:「飲食上我會食得比較清淡,冇食肉類,多數食蔬菜類,曾經有5年我都係素食者,但後來做好多劇烈運動所以都有食番啲海產類嘅食物,油炸嘅嘢就少食啲。」
點擊下圖觀看林韋辰IG、微博相片:
+24
當然,林韋辰在面部保養也落足心機,他在訪問中便傳授了一些小技巧:「我哋化妝一定要好好清潔皮膚,化妝時用嘅粉撲唔好同人共用呀,洗面時嘅布最好係即棄,洗完一兩次就唔用,咁就可以防止細菌滋生令皮膚過敏,保濕嘅工夫就一定要做。」
寧願「優雅地老去」,不想打針凍齡的他更向讀者醒多最後一招:「有一招我好鍾意用,就係夏天我好鍾意用一盆好冰好冰嘅水,成塊面浸落去,令毛孔自然收縮,就唔使啲化學收縮水!」